客家釀豆腐或煎釀三寶

大馬嘅釀豆腐一般上都會放入豆瓣醬或湯汁.
俗稱大馬客家釀豆腐.
自分自細俾婆婆湊大, 食婆婆煮嘅飯大.
喺一眾婆婆式料理當中,自分最愛佢嘅釀豆腐
其釀豆腐與大馬一般嘅釀豆腐有所唔同.
反而與香港嘅煎釀三寶有啲類似.乾身釀豆腐, 冇混入豆瓣醬或任何湯汁
香港嘅煎釀三寶最為常見嘅係釀豆腐,釀茄子,釀苦瓜,俗稱三寶.

婆婆嘅釀豆腐除以上三寶之外,
更有釀辣椒, 釀羊角豆與釀豆腐仆.
而當中三寶嘅餡肉係用膠魚肉, 上肉(豬)加上鹹魚製成.
加上自家製辣椒與甜醬.簡直就係味覺上嘅一級享受.

是日.
係釀豆腐之日.
自分其實好驚呢個味道消失.
始終.
呢個味道除有釀豆腐味道之外.
亦包含住婆婆嘅味道.
希望呢個味道永遠殘留喺我口中.