2010年1月4日星期一

十月圍城

十月圍城.
係自己進入2010年觀賞嘅第一部電影.
推翻滿清嘅革命故事,呢類題材經已普遍非常.
但以保鑣義士與刺客為故事骨幹尚算新鮮.
每個人物角色鮮明, 演員嘅發揮亦驚喜十足.
特別係謝霆鋒與王學圻.
謝霆鋒所演繹阿四嘅呢個角色,
無論係對主人嘅誠, 對愛情嘅真, 對朋友嘅義, 都發揮得淋漓盡致.
王學圻則將片中只出錢不聞事嘅革命富商,個份人性嘅矛盾拿捏得啱啱好.
十月圍城
片中最令人失望嘅係選擇咗黎明.
如果陳可辛知道大馬觀眾一睇到黎明出場個剎那,
全場爆笑時(係勁爆笑個隻)嘅話, 唔知會有咩反應.

*圖片載自新浪娛樂

2 則留言:

Tessa 說...

我,我兩個阿姐都好唔中意黎明啊!
有佢做嘅戲,我完全唔想睇lor...

Kenji™ 說...

好彩黎明戲份唔多..